டலாஸில் நடைபெற்ற இலங்கைக்கும் பங்களாதேஷுக்கும் இடையிலான டி குழுவுக்கான ரி20 உலகக் கிண்ண கிரிக்கெட் போட்டியில் 2 விக்கெட்களால் பங்களாதேஷ் வெற்றிபெற்றது.
இந்தப் போட்டியில் தோல்வி அடைந்த இலங்கை சுப்பர் 8 சுற்றுக்கு செல்லும் வாய்ப்பை பெரும்பாலும் இழந்துள்ளது.
அப்போட்டியில் முதலில் துடுப்பெடுத்தாடிய இலங்கை 20 ஓவர்களில் 9 விக்கெட்களை இழந்து 125 ஓட்டங்களைப் பெற்றது.
பெத்தும் நிஸ்ஸன்க மாத்திரமே திறமையாகத் துடுப்பெடுத்தாடி 47 ஓட்டங்களைப் பெற்றார்.
பந்துவீச்சில் முஸ்தாபிஸுர் ரஹ்மான் 17 ஓட்டங்களுக்கு 3 விக்கெட்களையும் ரிஷாத் ஹொசெய்ன் 22 ஓட்டங்களுக்கு 2 விக்கெட்களையும் கைப்பற்றினர்.
பதிலுக்கு துடுப்பெடுத்தாடிய பங்களாதேஷ் 19 ஓவர்களில் 8 விக்கெட்களை இழந்து 125 ஓட்டங்களைப் பெற்று வெற்றியீட்டியது.
தொளஹித் ரிதோய் 40 ஓட்டங்களையும் லிட்டன் தாஸ் 36 ஓட்டங்களையும் பெற்றனர்.
பந்துவீச்சில் நுவன் துஷார 18 ஓட்டங்களுக்கு 4 விக்கெட்களைக் கைப்பற்றினார்.
