2030 ஆம் ஆண்டளவில் இராணுவத்தின் எண்ணிக்கை 100,000 ஆக குறைக்க எதிர்பார்க்கப்படுவதாக பாதுகாப்பு இராஜாங்க அமைச்சர் பிரமித பண்டார தென்னகோன் தெரிவித்துள்ளார்.
தற்போதைய மற்றும் எதிர்கால அச்சுறுத்தல்களை கருத்திற்கொண்டு யுத்தத்தின் பின்னர் நாட்டுக்கு ஏற்றவாறு இராணுவத்தை தயார்படுத்துவதே அரசாங்கத்தின் நோக்கம் என அவர் கூறுகிறார்.
அவர் அங்கு மேலும் கருத்து தெரிவிக்கையில்,
“போருக்குப் பின்னர், தற்போதைய மற்றும் எதிர்கால அச்சுறுத்தல்களை ஆராய்ந்து எமது நாட்டுக்கு ஏற்ற இராணுவத்தை தயார்படுத்துவது ஜனாதிபதி, அரசாங்கம் மற்றும் பாதுகாப்பு சபையின் நம்பிக்கையாகும்.
அதன்படி, பாதுகாப்பு ஆய்வு 2030 என்ற திட்டத்தின் கீழ் தனி நிபுணர் குழு நியமிக்கப்பட்டுள்ளது. அதன்படி, எங்களிடம் 208,000 வீரர்கள் உள்ளனர். அதை ஒரு லட்சம் வரை கொண்டு வர வேண்டும் என்பது எங்கள் நம்பிக்கை.
நாங்கள் யாரையும் ஒதுக்கி வைக்கப் பார்க்கவில்லை. எண்ணிக்கையில், இராணுவத்தில் ஏற்படும் இயற்கையான குறைவைக் கணக்கிட்டு, 2030க்குள், இராணுவத்தை 100,000 அளவில் வைத்திருப்பதே எங்கள் தற்போதைய நம்பிக்கை.
மேலும், கடற்படை மற்றும் விமானப்படை பலப்படுத்தப்பட வேண்டும். புவியியல் ரீதியாக, நாம் மிகவும் சிக்கலான மற்றும் முக்கியமான இடத்தில் இருக்கிறோம். எனவே, கடற்படையை பலப்படுத்துவதையும் ஒரு திட்டமாக செயல்படுத்தி வருகிறோம்” என்றார்.
இதேவேளை, இராணுவத்தில் இருந்து சட்டரீதியாக வெளியேறாதவர்கள் சட்டரீதியாக வெளியேறுவதற்கு பிரகடனப்படுத்தப்பட்டுள்ள பொது விடுமுறை தொடர்பிலும் இராஜாங்க அமைச்சர் விளக்கமளித்துள்ளார்.
“சட்டவிரோதமாக இராணுவத்தை விட்டு வெளியேறியவர்களுக்கு பொது மன்னிப்பு வழங்கப்பட்டது. இந்த பொதுமன்னிப்பு காலம் எதிர்வரும் 20ஆம் திகதியுடன் நிறைவடையவுள்ளது.
பாதுகாப்பு அமைச்சு எனக்கு வழங்கிய தகவலின்படி, சுமார் 15,000 பேர் பொதுமன்னிப்புக்கு முன் வந்துள்ளனர். ஆனால் இந்தப் போக்கில் ஒரு மாற்றத்தைக் காண்கிறோம் என்றார்.
