கனடாவில் படுகொலை செய்யப்பட்ட இலங்கையர்கள் : குற்றவாளி தொடர்பில் வெளியான தகவல்!
கனடாவின் தலைநகர் ஒட்டாவாவில் வசிக்கும் இலங்கையர்கள் 06 பேரின் வீட்டில் கொடூரமான முறையில் படுகொலை செய்யப்பட்ட இலங்கை இளைஞன் பற்றிய மேலும் பல தகவல்களை உள்ளூர் ஊடகங்கள் செய்தி வெளியிட்டுள்ளன.
ஒரே குடும்பத்தைச் சேர்ந்த ஐந்து பேர் உட்பட 06 இலங்கையர்கள் கனடாவின் ஒட்டாவாவின் புறநகர் பகுதியான Barrhaven இல் உள்ள அவர்களது வீட்டில் கொடூரமான முறையில் படுகொலை செய்யப்பட்டுள்ளனர்.
சம்பவம் தொடர்பில் கனடாவில் கல்வி கற்கும் பிராங்க் டி சொய்சா என்ற 19 வயதுடைய இலங்கை இளைஞனை அந்த வீட்டில் தங்கியிருந்த உள்ளூர் பொலிஸார் கைது செய்துள்ளனர்.
தற்போது அந்த இளைஞன் மீது கொலை மற்றும் கொலை முயற்சி வழக்கு பதிவு செய்யப்பட்டுள்ளது.
ஒட்டாவா வரலாற்றில் மிக மோசமான படுகொலைச் சம்பவம் தொடர்பில் கைது செய்யப்பட்ட சந்தேகநபரான பிராங்க் டி சொய்சாவின் நடத்தை அண்மைக்காலமாக மிக விரைவாக மாறியுள்ளதாக அவரது குடும்ப உறுப்பினர்கள் தெரிவித்துள்ளனர்.
பிராங்க் டி சொய்சாவின் அத்தையான அனுஷா டி சொய்சா கனடா ஊடகம் ஒன்றுக்கு கருத்து தெரிவித்திருந்தார்.
“இந்த சம்பவம் என்னை உலுக்கியது, அந்த குடும்பம் அவரை மிகவும் நல்லபடியாக நடத்தியது, அந்த குடும்பம் மிகவும் நல்ல குடும்பம், இதை கேட்டு நான் கல்லாகிவிட்டேன், இன்னும் தூங்கவில்லை”
மேலும், தனது சகோதரரின் மூத்த மகன் பிராங்க் டி சொய்சா இரண்டு வருடங்களுக்கு முன்னர் கனடாவுக்கு வந்ததாகவும், அவர் மிகவும் அமைதியான இளைஞராகவும் மிகவும் நல்ல மனிதர்.
ஃபிராங்க் டி சொய்சா கனடாவுக்கு வந்தபின் முதல் மாதம், அவர் தனது அத்தையான அனுஷா டி சொய்சாவுடன் அவரது வீட்டில் தங்கியிருந்தார்.
அவர் படித்த அல்கொன்குயின் கல்லூரியில் தற்போது காயமடைந்த தனுஷ்க விக்கிரமசிங்கவை ஃபிராங்க் பின்னர் அடையாளம் கண்டார்.
மேலும் அவர் குறிப்பிடுகையில், தனுஷ்காவின் குடும்ப உறுப்பினர்கள் இலங்கையிலிருந்து ஒட்டாவாவிற்கு வந்த பின்னர், அந்த அடையாளத்தின் அடிப்படையில் தனுஷ்கா வாழ்ந்த பெரிகன் டிரைவ் வீட்டிற்கு ஃபிராங்க் குடிபெயர்ந்தார்.
பிராங்கின் அத்தை, அங்கு செல்வதற்கு முன், ஃபிராங்க் ஒட்டாவாவில் உள்ள மற்றொரு உறவினர் வீட்டில் வசித்து வந்ததாகவும், ஃபிராங்க் அவர்கள் அனைவரையும் தவிர்த்துவிட்டு தனுஷ்காவின் வீட்டிற்கு சென்றுவிட்டதாகவும் கூறினார்.
எங்களுடனான அனைத்து உறவுகளையும் துண்டித்துவிட்டார். எங்களுடனான எல்லா தொடர்புகளையும் அவர் தடுத்துவிட்டார், எங்கள் தொலைபேசி எண்களில் இருந்தும் சமூக ஊடகங்களில் கூட எங்களை அகற்றினார். இது போன்ற ஒன்றை நான் கனவில் கூட நினைத்ததில்லை.
ஆறு பேர் படுகொலை தொடர்பில் ஒட்டாவா பொலிஸாரால் விளக்கமறியலில் வைக்கப்பட்டுள்ள பிராங்க் டி சொய்சா எதிர்வரும் 14ஆம் திகதி மீண்டும் நீதிமன்றில் முன்னிலைப்படுத்தப்படவுள்ளார்.
(Visited 8 times, 1 visits today)
