இணையத்தள பாதுகாப்பு சட்டமூலம் மீதான விவாதத்தை ஒத்திவைக்குமாறு எதிர்க்கட்சித் தலைவர் சஜித் பிரேமதாச சபாநாயகர் மஹிந்த யாப்பா அபேவர்தனவுக்கு கடிதம் ஒன்றை அனுப்பியுள்ளார்.
இதனால், இந்தச் சட்டமூலம் இந்த தருணத்தில் நிறைவேற்றப்பட்டால், ஆணைக்குழு ஸ்தாபிக்க உத்தேசிக்கப்பட்டு, அதற்குப் பொறுப்பான அமைச்சருக்கு வரம்பற்ற அதிகாரம் கிடைக்கும் என எதிர்க்கட்சித் தலைவர் சுட்டிக்காட்டியுள்ளார்.
எதிர்வரும் ஜனவரி மாதம் 23ஆம் மற்றும் 24ஆம் திகதிகளில் விவாதிக்கப்படவுள்ள இணையவழி பாதுகாப்பு சட்டமூலம் மீதான விவாதத்தை ஒத்திவைக்குமாறு எதிர்க்கட்சித் தலைவர் சபாநாயகருக்கு இந்தக் கடிதத்தை அனுப்பி வைத்துள்ளார்.
இந்தச் சட்டமூலத்தின் பெரும்பான்மையான சரத்துக்களுக்கு திருத்தங்கள் சமர்ப்பிக்கப்படாவிட்டால் உச்ச நீதிமன்றத்தின் தீர்ப்பை விசேட பெரும்பான்மையுடன் நிறைவேற்ற வேண்டும் என எதிர்க்கட்சித் தலைவர் இவ்வாறு வலியுறுத்தியுள்ளார்.
உலகின் ஏனைய நாடுகளில் இவ்வாறான சட்டமூலத்தை முன்வைப்பதற்கு முன்னர், பரந்த பொதுவெளியை உருவாக்குவதற்கு போதிய கால அவகாசமும் சந்தர்ப்பமும் வழங்கப்படுவதாகவும், இந்த சட்டமூலத்தை முன்வைப்பதில் அரசாங்கம் அவ்வாறான ஏற்றுக்கொள்ளக்கூடிய செயற்பாட்டை பின்பற்றவில்லை எனவும் எதிர்க்கட்சித் தலைவர் சுட்டிக்காட்டியுள்ளார்.
இந்த வரைவு சட்டமூலம் சட்டமாக நிறைவேற்றப்பட்டால், சுயாதீன ஆணைக்குழுவிற்கும், அதற்குப் பொறுப்பான அமைச்சருக்கும் தன்னிச்சையான அதிகாரம் இருக்கும் எனவும், இதன் மூலம் மக்களின் கருத்துக்களை வெளியிடும் உரிமையும், அடிப்படை உரிமையும் கூடும் எனவும் எதிர்க்கட்சித் தலைவர் எழுதிய கடிதத்தில் வலியுறுத்தப்பட்டுள்ளது.
அத்துடன், சமூக ஊடக வலையமைப்பினால் பாதிக்கப்பட்டவர்களை உண்மையில் பாதுகாப்பதற்குப் பதிலாக, அரசியல் நலன்களுக்காகவே இந்தச் சட்டமூலம் அமையும் எனவும் எதிர்க்கட்சித் தலைவர் அந்தக் கடிதத்தில் சுட்டிக்காட்டியுள்ளார்.
எனவே, உச்ச நீதிமன்றத் தீர்ப்பை மதித்து அனைவரும் ஏற்றுக்கொள்ளக்கூடியதும் நடைமுறைச் சாத்தியமுமான சட்டமூலமொன்றை மீள சமர்பிப்பதற்கு போதிய கால அவகாசத்தைப் பெற்றுக் கொள்வதற்காக இந்த விவாதத்தை ஒத்திவைக்குமாறு நாடாளுமன்ற எதிர்க்கட்சித் தலைவரிடம் கோரிக்கை விடுக்கப்பட்டுள்ளதாக அந்தக் கடிதத்தில் குறிப்பிடப்பட்டுள்ளது.
