தென்னாப்பிரிக்காவில் தேசிய மற்றும் மாகாண தேர்தல்கள் மே 29 ஆம் தேதி நடைபெறும் என்று ஜனாதிபதி சிரில் ரமபோசாவின் அலுவலகம் தெரிவித்துள்ளது.
1994 இல் நிறவெறி முறை முடிவுக்கு வந்ததில் இருந்து நாட்டின் ஏழாவது ஜனநாயகத் தேர்தலில் ரமபோசாவின் ஆளும் ஆபிரிக்க தேசிய காங்கிரஸ் (ANC) கட்சி தனது பாராளுமன்ற பெரும்பான்மையைத் தக்கவைக்க கடுமையான சவாலை எதிர்கொள்ளும் என்று எதிர்பார்க்கப்படுகிறது.
“2024 தேர்தல்கள் தென்னாப்பிரிக்காவின் 30 ஆண்டு சுதந்திரம் மற்றும் ஜனநாயகம் கொண்டாட்டத்துடன் ஒத்துப்போகின்றன” என்று ஜனாதிபதி X இல் வெளியிடப்பட்ட அறிக்கையில் தெரிவித்துள்ளார்.
1948 முதல் கறுப்பின மற்றும் பிற வெள்ளையர் அல்லாத தென்னாப்பிரிக்கர்களை கொடூரமாக ஒடுக்கிய இனவெறி பிரிவினைவாத முறையின் வீழ்ச்சிக்குப் பிறகு 1994 இல் நாடு அதன் முதல் ஜனநாயகத் தேர்தலை நடத்தியது.
“எங்கள் அரசியலமைப்பு கடமையை நிறைவேற்றுவதற்கு அப்பால், இந்த வரவிருக்கும் தேர்தல்கள் நமது ஜனநாயக பயணத்தின் கொண்டாட்டமாகவும், நாம் அனைவரும் விரும்பும் எதிர்காலத்தின் உறுதிப்பாட்டாகவும் உள்ளது” என்று ரமபோசா கூறினார்.
