நாடு முழுவதும் 14 மாவட்டங்களில் 6,300 க்கும் மேற்பட்ட மக்கள் தென்மேற்கு பருவமழை காரணமாக பாதிக்கப்பட்டுள்ளதாக பேரிடர் மேலாண்மை மையம் (டிஎம்சி) தெரிவித்துள்ளது.
அறிக்கைகளின்படி, மோசமான வானிலையால் கடுமையாக பாதிக்கப்பட்ட 4,300 க்கும் அதிகமானோர் கொழும்பு மாவட்டத்தைச் சேர்ந்தவர்கள் என அறிவிக்கப்பட்டுள்ளது.
எதிர்வரும் மணித்தியாலங்களில் மேல், சப்ரகமுவ, தென் மற்றும் வடமேல் மாகாணங்களிலும் கண்டி மற்றும் நுவரெலியா மாவட்டங்களிலும் மழை அல்லது இடியுடன் கூடிய மழை பெய்யக்கூடும் என வளிமண்டலவியல் திணைக்களம் தெரிவித்துள்ளது.
திணைக்களத்தின் படி, மேல் மற்றும் சப்ரகமுவ மாகாணங்களிலும் புத்தளம், காலி மற்றும் மாத்தறை மாவட்டங்களிலும் 75 மில்லிமீற்றருக்கு மேல் ஓரளவு பலத்த மழை பெய்யக்கூடும்.
இதேவேளை, களுத்துறை, இரத்தினபுரி, காலி, கண்டி மற்றும் கேகாலை ஆகிய மாவட்டங்களுக்கு விடுக்கப்பட்ட மண்சரிவு அபாய எச்சரிக்கை நீடிக்கப்பட்டுள்ளதாக தேசிய கட்டிட ஆராய்ச்சி நிறுவனம் (NBRO) அறிவித்துள்ளது.
