கொமர்ஷல் வங்கி கிளிநொச்சி கிளையானது மத்திய சுற்றாடல் அதிகார சபை மற்றும் கடல் சார் சூழல் பாதுகாப்பு அதிகாரசபை என்பவற்றுடன் இணைந்து
பூநகரி பிரதேச சபைக்கு உட்பட்ட சங்குபிட்டி பாலத்திற்கு அருகாமையில் மிகவும் பிரமாண்டமான முறையில் சுத்திகரிப்பு நடவடிக்கை ஒன்று இன்று மேற்கொள்ளப்பட்டது.
இதன் போது கொமர்ஷல் வங்கி வட பிராந்திய முகாமையாளர் சிவஞானம், கொமர்ஷல் வங்கி, கிளிநொச்சி கிளை முகாமையாளர் சஞ்சீவ், மத்திய சுற்றாடல் அதிகார சபை பணிப்பாளர் மகேஷ் ஜல்தோட்ட மற்றும் கடல் சார் சூழல் பாதுகாப்பு அதிகாரசபை பொறுப்பதிகாரி கேசவன் ஆகியவர்கள் பங்கேற்றிருந்தனர்.
வட மாகாணத்தின் பிரதான சுற்றுலாத் துறை மையமான இப்பகுதியை சுத்தம் செய்ததையிட்டு பெரும்பாலான மக்கள் மகிழ்ச்சி தெரிவித்ததுடன் கொமர்ஷல் வங்கி கிளிநொச்சி கிளை இது போன்ற சூழல் பாதுகாப்பு சார்ந்த செயற்பாடுகளை முன்னெடுப்பது மிகவும் வரவேற்கத்தக்கது என்றும் ஏனைய நிறுவனங்களுக்கு இது முன்னுதாரணமாக அமைய வேண்டும் என்றும் தெரிவித்தனர்.
