செவ்வாய் கிரகத்தில் காணப்படும் பாறை இனத்தை போன்றே இலங்கையில் உள்ள பாறை இனம் குறித்து நாசா கவனம் செலுத்தியுள்ளதாக நேற்று தகவல்கள் வெளியாகியிருந்தனர்.
இந்நிலையில், மொனராகலை கினிகல்பலஸ்ஸ கிராமத்திற்கு அருகில் உள்ள பாம்பு எனப்படும் பாறை இனங்கள் குறித்து நாசா விஞ்ஞானிகள் குழு விசாரணைகளை ஆரம்பித்துள்ளது.
பாம்புப் பாறையை ஆய்வு செய்வதற்காக நாசா விஞ்ஞானிகள் குழு கடந்த வாரம் நாட்டிற்கு வந்தது.
மொனராகலை செவனகல கினிகல்பலஸ்ஸ கிராமத்திற்கு அருகில் அமைந்துள்ள பாம்புப் பாறை வகைகளை இந்த குழுவினர் பரிசோதிக்க ஆரம்பித்தனர்.
இதன்படி, கினிகல்பலஸ்ஸ ஆலயத்திற்குப் பின்னால் உள்ள காட்டுப் பகுதியும் அதிஉயர் உணர்திறன் கருவிகளைப் பயன்படுத்தி ஆய்வு செய்யப்பட்டு மாதிரிகளும் எடுக்கப்பட்டன.
நாசாவின் மூத்த விஞ்ஞானி கலாநிதி சுனிதி கருணாதிலக தலைமையிலான குழுவில் இந்தியா, அமெரிக்கா, சீனா மற்றும் அவுஸ்திரேலியாவைச் சேர்ந்த ஆராய்ச்சியாளர்களும் பேராதனைப் பல்கலைக்கழகத்தைச் சேர்ந்த ஆராய்ச்சியாளர்களும் உள்ளனர்.
இதில் களனி பல்கலைக்கழக விரிவுரையாளர் வணக்கத்துக்குரிய கபுகொல்ல ஆனந்தகித்தி தேரரும் கலந்துகொண்டார்.
கலாநிதி பிரசன்ன லக்ஷித தர்மப்பிரிய தலைமையிலான புவியியலாளர்கள் குழுவும் கினிகல் அரண்மனையில் அமைந்துள்ள சர் பென்டைன் எனப்படும் இவ்வகைப் பாறைகள் தொடர்பில் விசாரணைகளை மேற்கொண்டுள்ளதாக தெரிவிக்கப்படுகின்றது.
கினிகல்பலஸ்ஸ கீர்த்தி குமாரபுர கல்லூரி மாணவர்களின் சோதனைகள் மற்றும் அவதானிப்புகள் குறித்தும் விஞ்ஞானிகளின் குழுவினர் தெரிவித்தனர்.
இந்தக் குழு எதிர்காலத்தில் இண்டிகொலபலஸ்ஸ, உஸ்ஸங்கொட, யுதகனாவ போன்ற பகுதிகளுக்குச் சென்று அந்தப் பாறைகளின் மாதிரிகளை எடுக்கவுள்ளது.
தொடர்புடைய செய்திகள்:
