ஈரான் ஆதரவு ஹவுதி போராளிகள் மத்திய இஸ்ரேல் மீது பாலிஸ்டிக் ஏவுகணையை ஏவுவதில் வெற்றி பெற்றுள்ளதாக சர்வதேச ஊடகங்கள் தெரிவிக்கின்றன.
இந்த தாக்குதல் குறித்து கருத்து தெரிவித்துள்ள இஸ்ரேல் பிரதமர் பெஞ்சமின் நெதன்யாகு, வடக்கு ஏமனை கட்டுப்பாட்டில் வைத்திருக்கும் ஹூதி போராளிகள் பெரும் விலை கொடுக்க நேரிடலாம் என்று கூறியுள்ளார்.
அப்பகுதியில் ஹவுதி கிளர்ச்சியாளர்கள் இவ்வாறான தாக்குதலை முன்னெடுத்த முதல் தடவையாக இன்றைய (15) தாக்குதலை குறிப்பிடலாம்.
இந்த தாக்குதலுக்கு 2,040 கிலோமீட்டர் தூரம் சென்று தாக்கும் ஹைபோசோனிக் பாலிஸ்டிக் ஏவுகணை பயன்படுத்தப்பட்டதாக ஹூதியின் செய்தி தொடர்பாளர் யாஹ்யா செரியா தெரிவித்தார்.
அந்த தூரத்தை கடக்க ஏவுகணை 11 1/2 நிமிடங்கள் எடுத்தது.
மத்திய இஸ்ரேலில் பயிரிடப்பட்ட வயல் ஒன்றில் ஏவுகணையின் பாகங்கள் விழுந்ததாகவும், யாருக்கும் காயம் ஏற்படவில்லை என்றும் தெரிவிக்கப்பட்டுள்ளது.
இந்த ஆண்டு ஜூலை மாதம், ஹூதி போராளிகள் முதன்முறையாக இஸ்ரேல் மீது ஆளில்லா விமானம் மூலம் தாக்குதல் நடத்தியதில் ஒருவர் கொல்லப்பட்டார் மற்றும் நான்கு பேர் காயமடைந்தனர்.
இதற்கு பதிலடியாக, இஸ்ரேல் கரீடா வாரயா பகுதியில் வான்வழித் தாக்குதல்களை நடத்தியது, 6 பேர் கொல்லப்பட்டனர் மற்றும் 80 பேர் காயமடைந்தனர்.
