காசா பகுதியில் தரைவழிப் படையெடுப்பு எதிர்பார்க்கப்படுவதற்கு முன்னதாக, அதன் போர்க்காலத் தகவல்தொடர்புகளை வலுப்படுத்த Starlink இணைய சேவைகளை அமைப்பது குறித்து SpaceX உடன் பேச்சுவார்த்தை நடத்தி வருவதாக இஸ்ரேல் கூறுகிறது.
இது குறித்து வெளியிடப்பட்டுள்ள அறிக்கையில், இஸ்ரேலின் தகவல் தொடர்பு அமைச்சகம், முன்னணியில் உள்ள நகரங்களில் தொடர்ச்சியான இணைய சேவையை உறுதி செய்யும் என்று கூறியது.
இஸ்ரேல் ஸ்டார்லிங்கை நம்பியிருப்பது இதுவே முதல் முறையாகும், இது மற்ற அமைப்புகள் சீர்குலைந்தால் காப்புப்பிரதியாக செயல்படும் என்று அமைச்சகத்தின் செய்தித் தொடர்பாளர் மேலும் கூறினார்.
காசாவிற்கு வழங்கும் இணையம் மற்றும் தொலைபேசி சேவைகளை துண்டிப்பது குறித்தும் பரிசீலித்து வருவதாக இஸ்ரேலிய அமைச்சகம் தெரிவித்துள்ளது.
“ஹமாஸ் பிரச்சாரம், தூண்டுதல் மற்றும் போர்க்காலத்தில் தேசிய பாதுகாப்புக்கு தீங்கு விளைவிப்பதற்காக பயன்படுத்தப்படும் என்ற அச்சம் எழுந்துள்ளதால் மேற்படி நடவடிக்கை எடுக்க தீர்மானிக்கப்பட்டுள்ளதாக அவர் தெரிவித்துள்ளார்.
