வாக்னர் போராளிகளுக்கு ஒரு “பொறியை” அமைக்கிறாரா புட்டின்? : நிபுணர்களின் கருத்து என்ன?

பெலாரஸை பாதுகாப்பான புகலிடமாக முன்வைப்பதன் மூலம் ரஷ்ய ஜனாதிபதி விளாடிமிர் புடின் வாக்னர் போராளிகளுக்கு ஒரு “பொறியை” அமைத்துக் கொண்டிருக்கலாம் என்று அமெரிக்காவை தளமாகக் கொண்ட சிந்தனைக் குழு தெரிவித்துள்ளது.

அண்டை நாட்டிற்கு தப்பிச் செல்லும் பணியாளர்களை “அவர்களுக்கு எதிராக உடனடியாக நடவடிக்கை எடுக்காவிட்டாலும், ” துரோகிகளாகவே  கிரெம்ளின் கருதும் என்று போர் ஆய்வுக்கான நிறுவனம் (ISW) கூறியது.

“வாக்னர் போராளிகளின் புகலிடமாக பெலாரஸை புடின் ஒரு பொறியாகக் காட்டலாம். பெலாரஸ் சென்ற வாக்னர் பணியாளர்கள் அங்கு பாதுகாப்பாக இருப்பார்கள் என்று மறைமுகமாக தனிப்பட்ட வாக்குறுதி அளித்ததாக புடின் ஒப்புக்கொண்டுள்ளதாகவும், அந்த நிறுவனம் குறிப்பிட்டுள்ளது.

பெலாரஷ்ய ஜனாதிபதி அலெக்சாண்டர் லுகாஷென்கோ 2020 இல் 33 வாக்னர் போராளிகளை மாஸ்கோவிற்கு ஒப்படைத்தார்.

“அவர் மீண்டும் அவ்வாறு செய்ய மாட்டார் என்பதற்கு வெளிப்படையான காரணம் எதுவும் இல்லை” எனவும் குறித்த நிறுவனம் சுட்டிக்காட்டியுள்ளது.

வாக்னர் தலைவர் யெவ்ஜெனி பிரிகோஜின் தனது ஆயுதக் கிளர்ச்சியை முடிவுக்குக் கொண்டுவருவதற்கான ஒப்பந்தத்தின் மூலம் ரஷ்யா “உள்நாட்டுப் போரை” தடுத்ததாக விளாடிமிர் புடின் கூறியிருந்தமை குறிப்பிடத்தக்கது.

தொடர்புடைய செய்திகள்:

கிரீஸ் ரயில் விபத்து : ஏதென்ஸ் போராட்டத்தில் வெடித்த வன்முறை! பெர்லின் பொது நீச்சல் குளங்களில் பெண்கள் மேலாடையின்றி செல்ல அனுமதி மங்கலாகிச் சென்ற பார்வை… மருத்துவ சோதனையில் 7 வயது சிறுமிக்கு காத்திருந்த அதிர்ச்சி! ஆபத்தான பகுதிக்குள் நுழைந்தார் இளவரசர் ஹாரி! எச்சரிக்கும் நிபுணர்