லாவோஸ் திவாலாகியதா?

தாய்லாந்துக்கும் வியட்நாமுக்கும் இடையில் அமைந்துள்ள தென்கிழக்கு ஆசிய நாடான லாவோஸ் கடன் வலையில் சிக்கியுள்ளதாக வெளிநாட்டு ஊடகங்கள் தெரிவிக்கின்றன.

அதன்படி, லாவோஸ் தனது கடனை செலுத்துவதற்கு அதிக கால அவகாசத்தை தற்போது எதிர்பார்த்துள்ளதாக ஊடகங்கள் தெரிவிக்கின்றன.

லாவோஸின் சமீபத்திய அறிக்கைகள் நாட்டின் கடன் 2022 இல் 507 மில்லியன் அமெரிக்க டொலர்களிலிருந்து 2023 இல் 950 மில்லியன் அமெரிக்க டொலர்களாக இருமடங்காக அதிகரித்துள்ளது என்பதைக் காட்டுகிறது.

The Laotian Times செய்திச் சேவையின்படி, இந்தக் கடன்களில் பெரும்பாலானவை சீனாவுக்குச் செலுத்தப்பட வேண்டும்.

இந்த ஆண்டு ஜூன் மாதம் லாவோஸின் வெளியுறவு அமைச்சகத்தின் அறிக்கையை மேற்கோள் காட்டி அதே செய்தி அறிக்கை, 2020 முதல் ஏற்கனவே ஒத்திவைக்கப்பட்ட 1.22 பில்லியன் டொலர்களுக்கு மேலதிகமாக, 2023 இல் நாடு 670 மில்லியன் டொலர் கடனை ஒத்திவைத்துள்ளது என்று குறிப்பிட்டது.

The Laotian Times கூற்றுப்படி, லாவோஸ் தற்போது மொத்த பொதுக் கடன் 13.8 பில்லியன், அதன் மொத்த உள்நாட்டு உற்பத்தியில் 108 சதவீதம் ஆகும்.

இந்தக் கடன்களில் சுமார் 10.5 பில்லியன் டொலர்கள் சீனாவுக்குக் கொடுக்கப்பட்டுள்ளன.

இதற்கிடையில், லாவோஸின் கரன்சியான கிப் பணமதிப்பிழப்பு சிறிய நாட்டின் நிலைமையை மோசமாக்கியுள்ளது.

இது லாவோஸின் பொருளாதாரத்தை கடன் பொறி மூலோபாயத்திற்கு மிகவும் பாதிப்படையச் செய்ததாகக் கூறப்படுகிறது.

லாவோஷியன் டைம்ஸ் அறிக்கையின்படி, கடந்த ஆண்டு அமெரிக்க டொலருக்கு எதிராக லாவோஷியன் கிப் 31 சதவீதம் குறைந்துள்ளது.

மொத்த கடனில் 59 சதவீதம் அமெரிக்க டொலராக இருப்பதால், திருப்பி செலுத்துவது கடினமாக இருப்பதாக கூறப்படுகிறது.