அனுமதியின்றி பாலஸ்தீன ஆதரவு ஊர்வலத்தை ஏற்பாடு செய்ததாக குற்றம் சாட்டப்பட்ட இந்திய வம்சாவளி சிங்கப்பூர் பெண்ணை, கேரளாவில் உள்ள தனது தாத்தா பாட்டியை பார்க்க நாட்டை விட்டு வெளியேற சிங்கப்பூர் நீதிமன்றம் அனுமதி அளித்துள்ளது.
35 வயதான அண்ணாமலை கோகிலா பார்வதி, அனுமதியின்றி பாலஸ்தீன போராட்டத்திற்கு ஆதரவாக இருவருடன் பிப்ரவரி மாதம் ஊர்வலத்தை ஏற்பாடு செய்திருந்தார். இங்குள்ள சட்டப்படி ஊர்வலம் நடத்துவதற்கு அதிகாரசபையின் அனுமதி கட்டாயம்.
தற்போது ஜாமீனில் இருக்கும்பார்வதி, கேரளாவில் உள்ள தனது தாத்தா பாட்டிகளை பார்க்க செல்ல அனுமதி கோரி விண்ணப்பித்ததாக ஊடகங்கள் செய்தி வெளியிட்டுள்ளது.
மாவட்ட நீதிபதி லோரெய்ன் ஹோ,பார்வதியின் அதிகார வரம்பிலிருந்து வெளியேறுவதற்கான விண்ணப்பத்தை ஏற்றுக்கொண்டார், SGD10,000 கூடுதல் ஜாமீன் உட்பட பல கூடுதல் நிபந்தனைகளை விதித்தார்.
பொது ஒழுங்கு சட்டத்தின் கீழ் தடைசெய்யப்பட்ட பகுதியில் பொது ஊர்வலத்தை ஏற்பாடு செய்ததற்காக பார்வதி மற்றும் மேலும் இருவர் மீது ஜூன் 27 அன்று குற்றம் சாட்டப்பட்டது.
