ரஷ்யாவின் பெல்கோரோட் நகரில் வெடிகுண்டு ஒன்று கண்டுப்பிடிக்கப்பட்டதை தொடர்ந்து ஆயிரக்கணக்கானோர் வெளியேற்றப்பட்டுள்ளதாக தெரிவிக்கப்பட்டுள்ளது. இதன்படி வெடிபொருள் கண்டுப்பிடிக்கப்பட்டதை தொடர்ந்து 3000 இற்கும் மேற்பட்ட மக்கள் வெளியேற்றப்பட்டுள்ளனர். உக்ரைனுடனான நாட்டின் எல்லைக்கு அருகில் அமைந்துள்ள நகரத்தின் மீது ரஷ்ய போர் விமானம் தற்செயலாக வெடிகுண்டு வீசி விபத்தினை ஏற்படுத்தியிருந்தது. இந்த விபத்து இடம்பெற்ற இரண்டு நாட்களில் மேற்படி அறிவிக்கப்பட்டுள்ளது. வெடிகுண்டு கண்டுபிடிக்கப்பட்டதற்கும் போர் விமான சம்பவத்துக்கும் தொடர்பு உள்ளதா என்பது தெளிவாகத் தெரியவில்லை.  

ஜேர்மன் இராஜதந்திரிகளை வெளியேற்றுவதாக ரஷ்யா அறிவித்துள்ளதாக அரசு ஊடகம் ஒன்று தெரிவித்துள்ளது. பெர்லினில் இருந்து தனது தூதர்கள் வெளியேற்றப்பட்டதற்கான எதிர்வினை தான் இது என்று ரஷ்யாவின் வெளியுறவு அமைச்சகம் கூறியது. இது குறித்து வெளியிடப்பட்டுள்ள அறிக்கையில்,  பெர்லினின் இந்த நடவடிக்கைகளை நாங்கள் கடுமையாக கண்டிக்கிறோம், இது ரஷ்ய-ஜெர்மன் உறவுகளின் முழு வரிசையையும் தொடர்ந்து அழித்து வருகிறது எனத் தெரிவிக்கப்பட்டுள்ளது. பெர்லினின் விரோத நடவடிக்கைகளுக்கு எதிர்வினையாக, ரஷ்யாவிலிருந்து ஜேர்மன் இராஜதந்திரிகளை வெளியேற்ற ரஷ்ய தரப்பு முடிவு செய்தது, அதே போல் […]

மேற்கு பாக்முட்டின் மேலும் மூன்று மாவட்டங்களை தனது கட்டுப்பாட்டிற்குள் கொண்டுவந்துள்ளதாக ரஷ்யாவின் பாதுகாப்பு அமைச்சகம் கூறியுள்ளது. கிழக்கு உக்ரைனின் டோனெட்ஸ்க் பகுதியில் உள்ள இந்த நகரம் ரஷ்ய மற்றும் உக்ரேனிய துருப்புக்களுக்கு இடையேயான சில கடுமையான போர்களின் மையமாக உள்ளது. க்ரம்ளினின் படையெடுப்புத் திட்டத்தில் மூலோபாய ரீதியில் முக்கிய பகுதியாக பக்முட் கருதப்படுகிறது. எவ்வாறாயினும், ரஷ்ய துருப்புக்கள் சில முன்னேற்றங்களைச் செய்திருந்தாலும், நிலைமை கட்டுக்குள் இருப்பதாக  உக்ரைன் கூறியுள்ளமை குறிப்பிடத்தக்கது.

ரஷ்யாவின் போர்க்குற்றங்களை விசாரிக்க உக்ரைன் மென்பொருளை பயன்படுத்த திட்டமிட்டுள்ளதாக தகவல் வெளியாகியுள்ளது. இந்த மென்பொருள் உளவுத்துறை தரவு மற்றும் செயற்கைக்கோள் படங்களை ஒருங்கிணைத்து எதிர்கால நிகழ்வுகளில் வரைப்படம் மூலமாக ஆதாரங்களை உருவாக்கும் எனத் தெரிவிக்கப்படுகிறது. ,அமெரிக்க தரவு நிறுவனமான பலன்டிர் டெக்னாலஜிஸ் இன்கின் உதவுயுடன் குறித்த மென்பொருள் உருவாக்கப்படும் எனத் தெரிவிக்கப்படுகிறது. உக்ரைனில் ரஷ்யா படையெடுத்ததில் இருந்து 78,000 க்கும் மேற்பட்ட குற்றங்கள் பதிவாகியுள்ளதாக தகவல் வெளியாகியுள்ளமை குறிப்பிடத்தக்கது.