விசா விண்ணப்ப நடைமுறையை டிஜிட்டல் மயமாக்குவது ஷெங்கன் விசா செயலாக்க நேரத்தில் குறிப்பிடத்தக்க தாக்கத்தை ஏற்படுத்தும் என்று ஐரோப்பிய ஒன்றிய ஆணையம் கூறியுள்ளது.
உள்துறை விவகாரங்களுக்கான ஐரோப்பிய ஆணையத்தின் செய்தித் தொடர்பாளர் அனிட்டா ஹிப்பர், விசா நடைமுறையின் டிஜிட்டல் மயமாக்கல் செயலாக்க நேரத்தை மேம்படுத்துவதற்கு பங்களிக்கும் என்று கூறினார்.
அவரது கூற்றுப்படி, ஷெங்கன் விசாக்களுக்கான விண்ணப்ப நடைமுறை முழுவதுமாக ஒன்லைனில் செல்லும் போது, விண்ணப்பதாரர்கள் தங்களின் ஆவணங்களின் நகல்களை சமர்ப்பிக்க வேண்டிய அவசியமில்லை. காகித விண்ணப்பங்களைக் கையாள்வது மற்றும் விசா ஸ்டிக்கரைப் போடுவது தொடர்பான நிர்வாகச் சுமையைக் குறைக்கும்.
விசா நடைமுறையின் டிஜிட்டல் மயமாக்கல் என்பது உறுப்பு நாடுகள் டிஜிட்டல் விண்ணப்பங்களைச் செயல்படுத்தி விசாக்களை டிஜிட்டல் முறையில் வழங்கும். இது காகித விண்ணப்பங்கள், விசா ஸ்டிக்கர்களைக் கையாள்வதோடு தொடர்புடைய நிர்வாகச் சுமையைக் குறைக்கும் மற்றும் செயலாக்க நேரத்தை மேம்படுத்துவதற்கு பங்களிக்கும் என அவர் மேலும் தெரிவித்துள்ளார்.
