ஜெர்மனி பாரிய வரிக் குறைப்பை செய்யும் பணியில் ஈடுபட்டுள்ளது.
அதிக வெளிநாட்டு தகுதி வாய்ந்த நிபுணர்களை நாட்டிற்கு ஈர்க்கும் முயற்சியில், இந்த நடவடிக்கை எடுக்கப்பட்டுள்ளது.
“வளர்ச்சி முன்முயற்சி” என்று அழைக்கப்படுவதன் ஒரு பகுதியாக, ஜேர்மன் அரசாங்கம் புதிதாக வந்துள்ள வெளிநாட்டுத் தகுதி வாய்ந்த தொழிலாளர்களுக்கு நாட்டில் முதல் மூன்று வருட வேலைவாய்ப்பிற்கான வரியிலிருந்து ஓரளவு விலக்கு அளிக்க திட்டமிட்டுள்ளது.
அதிகாரிகளின் கூற்றுப்படி, நாடு முழுவதும் பல்வேறு துறைகளில் பற்றாக்குறையை ஜெர்மனி கையாள்வதால் வரி நிவாரணம் மிகவும் தேவைப்படுகிறது.
வெளிநாட்டுத் தொழிலாளர்களின் குடியேற்றத்தை அதிகரிப்பதற்கான ஜெர்மனியின் திட்டங்களைப் பற்றிய தகவல்களைப் பகிர்ந்து கொண்ட மத்திய நிதி அமைச்சர் கிறிஸ்டியன் லிண்ட்னர், புதிதாக வந்துள்ள தொழில் வல்லுநர்களுக்காக குறிப்பாக வரிச்சலுகை உருவாக்கப்பட்டு வருவதாகக் கூறினார்.
இந்த நடவடிக்கை அங்கீகரிக்கப்பட்டு அதிகாரப்பூர்வமாக நடைமுறைக்கு வரும் பட்சத்தில் வேலையின் முதல் மூன்று ஆண்டுகளில் மட்டுமே தள்ளுபடி பொருந்தும் என்று அமைச்சர் லிண்ட்னர் குறிப்பிட்டார்.
மேற்கூறியவற்றைத் தவிர, தள்ளுபடிகள் 30, 20 மற்றும் பத்து சதவிகிதம் வரை மாறுபடும் என்று அமைச்சர் விளக்கினார்.
எவ்வாறாயினும், பெரிய வரிச்சலுகைக்கு யார் தகுதி பெறுவார்கள் மற்றும் சிறிய வரி நிவாரணத்திற்கு யார் தகுதி பெறுவார்கள் மற்றும் என்ன அளவுகோல் இருக்கும் என்பது பற்றிய கூடுதல் தகவல்களை அவர் வெளியிடவில்லை.
