கடந்த ஆண்டு மே 9 கலவரம் தொடர்பாக லாகூர் போலீசார் நடத்திய விசாரணையின் ஒரு பகுதியாக, சிறையில் அடைக்கப்பட்டுள்ள பாகிஸ்தானின் முன்னாள் பிரதமர் இம்ரான் கான் பாலிகிராப்(பொய்யறியும் சோதனை) மற்றும் குரல் பொருத்துதல் சோதனைகளை மேற்கொள்ள மறுப்பு தெரிவித்துள்ளார்.
71 வயதான கிரிக்கெட் வீரராக இருந்து அரசியல்வாதியாக மாறிய அவருக்கு பாலிகிராஃப் சோதனை நடத்த 12 பேர் கொண்ட தடயவியல் குழு அடியாலா சிறைக்கு சென்றடைந்தது.
பாகிஸ்தான்-தெஹ்ரீக்-இ-இன்சாஃப் நிறுவனர் 190 மில்லியன் பவுண்டுகள் ஊழல் வழக்கில் தேசிய பொறுப்புக்கூறல் பணியகத்தால் (NAB) கைது செய்யப்பட்டதை அடுத்து, 2023 ஆம் ஆண்டு மே 9 கலவரங்கள் நாடு முழுவதும் தூண்டப்பட்டன. 200-க்கும் மேற்பட்ட வழக்குகளை எதிர்கொண்டுள்ள அவர், கடந்த ஆண்டு ஆகஸ்ட் மாதம் முதல் சிறையில் உள்ளார்.
லாகூர் போலீஸ் குழு, துணை போலீஸ் சூப்பிரண்டு தலைமையில் சோதனைகளை நடத்துவதற்காக சிறை வளாகத்திற்கு வந்துள்ளனர்.
அவர்களுடன் பஞ்சாப் தடய அறிவியல் ஏஜென்சி (பிஎஃப்எஸ்ஏ) நிபுணர்களும் வந்திருந்தனர்.
