ஸ்ரீலங்கன் எயார்லைன்ஸ் விமான சேவையின் சமீபத்திய தாமதத்தினால் 6 மில்லியன் அமெரிக்க டொலர் நட்டம் ஏற்பட்டுள்ளதாக துறைமுகங்கள் மற்றும் விமான சேவைகள் அமைச்சர் நிமல் சிறிபால டி சில்வா இன்று தெரிவித்துள்ளார்.
அண்மைக்காலமாக எட்டு விமானங்கள் தாமதமாக வந்தமையினால் இந்த நட்டம் ஏற்பட்டுள்ளதாக அமைச்சர் நிமல் சிறிபால தெரிவித்துள்ளார்.
ஊழியர்களுக்கு கொடுப்பனவு அல்லது சம்பள அதிகரிப்பு வழங்குவதற்கு தற்போதைக்கு சாத்தியமில்லை என அவர் மேலும் தெரிவித்தார்.
ஸ்ரீலங்கன் ஏர்லைன்ஸ் விமான சேவையின் சில விமானங்கள் தொழில்நுட்ப அல்லது வேறு சில காரணங்களால் சமீப காலங்களில் தாமதமாக அல்லது ரத்து செய்யப்பட்டுள்ளன.
கடந்த வாரம், இலங்கையின் தேசிய விமான நிறுவனமான ஸ்ரீலங்கன் ஏர்லைன்ஸ், சமீப காலங்களில் பல விமானங்களை ரத்து செய்ததற்காக மன்னிப்புக் கோரியது.
ஒரு அறிக்கையை வெளியிட்ட விமான நிறுவனம், கடந்த சில நாட்களாக, ஸ்ரீலங்கன் ஏர்லைன்ஸ் விமானங்களை தற்காலிகமாக தரையிறக்க வேண்டிய பல தொழில்நுட்ப சிக்கல்கள் காரணமாக பல விமானங்களை ரத்து செய்ய வேண்டியிருந்தது.
