கடந்த ஆண்டை விட கக்குவான் இருமல் பாதிப்புகள் ஆஸ்திரேலியாவில் வேகமாக அதிகரித்துள்ளதையடுத்து, குழந்தைகளுக்கு தடுப்பூசி போடுமாறு பெற்றோர்களுக்கு அவசர எச்சரிக்கை விடுக்கப்பட்டுள்ளது.
இந்த தொற்று நோய் குழந்தைகளுக்கு மிகவும் ஆபத்தானது, ஆனால் எல்லா வயதினருக்கும் கடுமையான நோயை ஏற்படுத்தும் என நிபுணர்கள் எச்சரிக்கை விடுத்துள்ளனர்.
2023 ஆம் ஆண்டில் வெறும் 48 வழக்குகளுடன் ஒப்பிடும்போது, இந்த ஆண்டு 492 கக்குவான் இருமல் பதிவாகியுள்ளது. ஆஸ்திரேலியாவில் கடந்த 06 ஆண்டுகளில் இல்லாத அளவிற்கு வழக்குகள் பதிவாகியுள்ளதாக தெரிவிக்கப்படுகிறது.
தெற்கு ஆஸ்திரேலியாவின் தலைமை சுகாதார அதிகாரி, பேராசிரியர் நிக்கோலா ஸ்புரியர், தடுப்பூசி மற்றும் மறு தடுப்பூசி சிலருக்கு பரிந்துரைக்கப்பட்டுள்ளதாக தெரிவித்துள்ளார்.
கர்ப்பிணிப் பெண்கள் தங்களையும் தங்கள் குழந்தைகளையும் பாதுகாக்க தடுப்பூசிகளைப் போடுமாறு சுகாதார அதிகாரி ஊக்குவித்தார். கர்ப்பமாக இருக்கும் தாய்மார்கள் கர்ப்பத்தின் 20 முதல் 32 வாரங்களில் தடுப்பூசி போட வேண்டும் என்று சுகாதார அதிகாரிகள் பரிந்துரைக்கின்றமையும் குறிப்பிடத்தக்கது.
