பொதுவாக தற்போதுள்ள நோயாளிகளில் பெரும்பாலானோர் சிறுநீரகப் பிரச்சனையால் பாதிக்கப்படுகின்றனர்.
சிறுநீரகம் நமது உடலின் முக்கிய பாகங்களில் ஒன்றாக கருதப்படுகிறது
. மனித உடலில் இரத்தத்தை வடிகட்டுதல், சிறுநீர் மூலம் கழிவுகளை வெளியேற்றுதல், ஹார்மோன்களை உற்பத்தி செய்தல், தாதுக்களை சமநிலைப்படுத்துதல் மற்றும் திரவ சமநிலையை பராமரிப்பது போன்ற தினசரி பணிகளை சிறுநீரகம் செய்கிறது.
இது சரியாக பராமரிக்கப்படாவிட்டால், அது மற்ற சிக்கல்களை ஏற்படுத்துகிறது.
கட்டுப்பாடற்ற சர்க்கரை நோய், உயர் ரத்த அழுத்தம், குடிப்பழக்கம், இதய நோய், எச்.ஐ.வி தொற்று போன்றவற்றால் சிறுநீரகக் கோளாறுகள் ஏற்படுவதாக மருத்துவர்கள் கூறுகின்றனர்.
அந்த வகையில் சிறுநீரக நோயாளிகள் சாப்பிடக்கூடாத உணவுகள் பற்றி தெரிந்து கொள்ளலாம்.
தவிர்க்க வேண்டிய உணவுகள்
1. சோடா பானங்கள்
சர்க்கரையைத் தவிர, சோடாக்களில் பொட்டாசியம் மற்றும் பாஸ்பரஸ் அதிகம் உள்ளது. பாஸ்பரஸ் அதிகமாக உறிஞ்சப்படும் போது, அது உடலின் சிறுநீரகங்களை பாதிக்கிறது.
2. அவகேடோ
அவகேடோ பொதுவாக ஆரோக்கியமானது என்றாலும், சிறுநீரக நோய் உள்ளவர்கள் அவற்றைத் தவிர்க்க வேண்டும். அவகேடோ பழத்தில் பொட்டாசியம் அதிகம் உள்ளது.
3. பதப்படுத்தப்பட்ட உணவுகள்
சூப்கள், காய்கறிகள் மற்றும் பீன்ஸ் போன்ற பதப்படுத்தப்பட்ட உணவுகளை தவிர்க்கவும். மேலும், இத்தகைய உணவுகளில் சோடியம் அதிகமாக உள்ளது. இது சிறுநீரக நோயை உண்டாக்கும்.
