ஜெர்மனி இளைஞனை நாடு கடத்துவதற்கான நடவடிக்கைகளை முன்னெடுத்துள்ளதாக பொலிஸார் தெரிவித்தனர்.
கொலோன் தேவாலயத்தின் மீது புத்தாண்டு தினத்திற்கு முதல் நாள் பயங்கரவாத தாக்குதல் நடத்த திட்டமிட்டதாக குற்றம் சாட்டப்பட்டவரே இவ்வாறு நாடு கடத்தப்படவுள்ளார்.
கொலோன் பொலிஸாரின் அறிக்கையின்படி, டார்ட்மண்ட் மாவட்ட நீதிமன்றம் கடந்த வெள்ளிக்கிழமை 25 வயதுடைய நபருக்கு நாடு கடத்தும் ஆணை வழங்கியது.
சனிக்கிழமையன்று தங்கள் குறுகிய அறிக்கையில் இந்த பிரச்சினை குறித்து மேலும் கருத்து தெரிவிக்க முடியாது என்று போலீசார் தெரிவித்தனர்.
ஜேர்மனியில் உள்ள அதிகாரிகள் நாடு கடத்தல் ஆணை என அழைக்கப்படும் போது, சந்தேக நபர் சட்டவிரோதமாக ஜேர்மனிக்குள் நுழைந்தார் என்று அர்த்தப்படுவதாக தெரியவந்துள்ளது.
சந்தேக நபர், தஜிகிஸ்தான் பிரஜை, மேலும் மூவருடன் டிசம்பர் 31ஆம் திகதியன்று கைது செய்யப்பட்டார். மற்ற மூன்று சந்தேக நபர்களும் புத்தாண்டு தினத்தன்று விடுவிக்கப்பட்டனர், 25 வயதான இளைஞரை காவலில் வைக்க பொலிஸார் முடிவு செய்தனர்.
