பிரபலமான ஹை ஸ்ட்ரீட் அவுட்லெட்டுகளில் இருந்து வாங்கப்படும் டேக்அவே (takeaway) காபிகளில் வீட்டில் தயாரிக்கப்படும் காஃபினை விட மூன்று மடங்கு அதிகமாக காஃபின் இருப்பதாக ஒரு ஆய்வு காட்டுகிறது.
ஒரு நாளைக்கு மூன்று அல்லது நான்கு கப் குடிக்கும் ஒருவர் நிர்ணயிக்கப்பட்ட அளவை விட அதிகளவிலான காஃபினை எடுப்பதற்கான வாய்ப்புகள் உள்ளதாக நிபுணர்கள் தெரிவித்துள்ளனர்.
ஸ்டார்பக்ஸ் மற்றும் கோஸ்டா காபி போன்ற பிரபலமான சங்கிலிகளில் இருந்து வாங்கப்பட்ட 200 க்கும் மேற்பட்ட காபிகளின் சோதனைகளில் அமெரிக்கனோஸ் அதிக காஃபின் அளவைக் கொண்டிருப்பது அறியப்பட்டுள்ளது.
காஃபின் ஒரு தூண்டுதலாகும், இது தூக்கமின்மை, குமட்டல், விரைவான இதயத் துடிப்பு மற்றும் அதிகப்படியான குடித்தால் தலைவலி ஆகியவற்றை ஏற்படுத்தும்.
