பற்களை வெண்மையாக வைத்துக்கொள்ளவும், துர்நாற்றம் ஏற்படுவதை தடுக்கவும் மக்கள் பல வழிகளை மேற்கொள்கின்றனர். பற்பசை, பல்பொடி, மௌத் வாஷ் என பல வகையில் வாயையும், பற்களையும் சுத்தப்படுவதற்கு முயற்சி மேற்கொள்கின்றனர்.
இருப்பினும், சில விஷயங்களை முறையாக பின்பற்றாவிட்டால் பற்கள் பாதிக்கப்படவும் வாய்ப்புள்ளது. உதாரணத்திற்கு, நீங்கள் உணவை முறையாக எடுத்துக்கொள்ளாவிட்டால், வயிறு பாதிக்கப்பட்டு வாயில் துர்நாற்றம் மட்டுமின்றி, பற்களில் கறையும் படியும் என பொதுவாக கூறப்படுகிறது. அதுமட்டுமின்றி, பற்களில் வழி ஏற்பட்டால் உங்களால் எளிதாக தாங்கிக்கொள்ளவே இயலாது. அந்த வகையில், பற்களை சுத்தமாக வைத்துக்கொள்வது அவசியமாகிறது.
பற்களை சுத்தம் செய்வது ஏன் முக்கியம் என்றால், சுத்தம் செய்வதன் மூலம் பற்களின் துவாரங்கள் ஏற்படுவதையும், வாய் துர்நாற்றத்தையும் தடுக்க முடியும். ஆனால் பல் துலக்கும்போது ப்ரஷ் அல்லது டூத் பிரஷ் உபயோகிக்கும் போது ஈறுகளில் ரத்தம் கசிவதை அடிக்கடி உணர்ந்திருப்பீர்கள். பற்களை சுத்தம் செய்யவும், ஈறுகளின் ரத்தம் வராமல் இருக்கவும் என்னென்ன வீட்டு வைத்தியம் செய்யலாம் என்று இங்கு பார்ப்போம்.
ஈறுகளில் இரத்தப்போக்கு நிறுத்த வழிகள்
எலுமிச்சை பாணம்
நாம் பொதுவாக தாகத்தைத் தணிக்க எலுமிச்சம் பழத்தைப் பயன்படுத்துகிறோம். ஆனால் அதன் உதவியுடன் ஈறுகளில் இரத்தக் கசிவைக் கட்டுப்படுத்தலாம். இதற்கு, வெதுவெதுப்பான நீரை எடுத்து எலுமிச்சையை பிழிந்து அதில் வாய் கொப்பளிக்க வேண்டும். இந்த முறையை ஒரு நாளைக்கு பல முறை செய்து வர, நிவாரணம் கிடைக்கும்.
கிராம்பு எண்ணெய்
பல் துலக்கும் போது ஈறுகளில் ரத்தம் வர ஆரம்பிக்கும் போது, அத்தகைய சூழ்நிலையில் நீங்கள் கிராம்பு எண்ணெயைப் பயன்படுத்தலாம். நாம் பொதுவாக உணவின் நறுமணத்தை அதிகரிக்க கிராம்புகளைப் பயன்படுத்துகிறோம், ஆனால் இது வாய் ஆரோக்கியத்திற்கும் மிகவும் நன்மை பயக்கும். ஈறுகளில் ரத்தக் கசிவு நிற்க, கிராம்பு எண்ணெயை பருத்தியில் தடவி, பாதிக்கப்பட்ட ஈறுகளின் அருகில் தடவினால், ரத்தக் கசிவு நிற்கும்.
படிகாரம்
ஷேவிங் செய்த பிறகு நீங்கள் அடிக்கடி படிகாரத்தைப் பயன்படுத்தியிருப்பீர்கள். சிறிய வெட்டுக்கள் அல்லது ரத்தப்போக்கு காரணமாக அது முகத்தில் தடவப்படும். ஈறுகளுக்கும் இதே முறையை பின்பற்ற வேண்டும். இதற்கு, ஒரு நாளைக்கு 3-4 முறை படிகார நீரில் கழுவவும், அத்தகைய சூழ்நிலையில், நீங்கள் விரைவில் நிவாரணம் பெறுவீர்கள்.
