அத்துருகிரி துப்பாக்கிச் சூட்டுச் சம்பவம் தொடர்பில் பொலிஸ் காவலில் உள்ள பச்சை குத்தும் நிலைய உரிமையாளரான துலானை ஊடகங்களுக்கு அம்பலப்படுத்தி வாக்குமூலம் வழங்கியமை தொடர்பில் அவர் சார்பில் ஆஜரான சட்டத்தரணி விளக்கம் அளித்துள்ளார்.
இந்த வழக்கு இன்று (10) கடுவெல நீதவான் முன்னிலையில் விசாரணைக்கு எடுத்துக் கொள்ளப்பட்டதன் பின்னர் ஊடகங்களுக்கு கருத்து தெரிவிக்கும் போதே அவர் இவ்வாறு தெரிவித்தார்.
ஊடகவியலாளர்களை அழைத்து சந்தேக நபர்களிடம் வாக்குமூலம் பெறுவதற்கு எவருக்கும் அதிகாரம் இல்லை என அவர் குறிப்பிட்டுள்ளார்.
இவ்விடயம் தொடர்பில் மேலும் கருத்து தெரிவித்த சட்டத்தரணி,
“இந்த வழக்கின் முதலாவது சந்தேகநபரான துலானை கைது செய்த பின்னர் பொலிஸார் வாக்குமூலம் பெற்றுள்ளனர். அந்த அறிக்கைக்கு மேலதிகமாக, பிரதிப் பொலிஸ் மா அதிபர் ஒருவர் ஊடகங்களுக்கு அழைப்பு விடுத்து தனது வாக்குமூலத்தை ஒளிபரப்பியிருந்தார்.
அந்த வகையில் சந்தேகநபர் தொடர்பில் நீதிமன்றம் அவதானம் செலுத்தியது. ஊடகங்களில் வெளியான காணொளிகள் மற்றும் புகைப்படங்கள் நீதிமன்றத்தில் சமர்ப்பிக்கப்பட்டன.
குற்றவியல் நீதிச் செயல்பாட்டில் சந்தேக நபரிடம் இருந்து வாக்குமூலத்தைப் பெறுவதற்கான வழி குற்றவியல் நடைமுறைச் சட்டத்தில் குறிப்பிடப்பட்டுள்ளது.
பின்னர் சந்தேகத்திற்குரிய நபரின் வாக்குமூலத்தை நேரலையாகவோ அல்லது பதிவுசெய்யப்பட்டதையோ ஊடகங்களுக்கு வெளியிட சட்ட ஏற்பாடு இல்லை. பொலிஸ் மா அதிபர், பிரதிப் பொலிஸ் மா அதிபர் அல்லது வேறு எந்த நிலையத் தளபதிக்கும் அத்தகைய அதிகாரம் வழங்கப்படவில்லை.
இதன்படி, ஊடகங்கள் பல்வேறு சமயங்களில் இந்த வழக்கில் தலையிட்டு இந்த விசாரணைகளில் தலையிட்டதாக நீதவான் குறிப்பாக குறிப்பிட்டார். எனவே, இந்த விசாரணையை அரசு தரப்புக்கும் நியாயமான முறையில் நடத்த வேண்டும் என்று நீதிமன்றத்தில் வலியுறுத்தப்பட்டது.
