நடிகைகள் மட்டுமின்றி நடிகை ஒருவரின் தாயிடமும் பிரபல மலையாள நடிகர் முகேஷ் பாலியல் அத்துமீறலில் ஈடுபட்டதாக பிரபல மலையாள நடிகை பரபரப்பு புகாரை முன்வைத்துள்ளார்.
தயாரிப்பு பிரிவில் பணியாற்றுவோரும், நடிகர்களை தேர்வு செய்யும் இயக்குநர்களும் பாலியல் ரீதியில் தொல்லை கொடுத்ததுடன் மிரட்டியதாகவும் சந்தியா புகார் தெரிவித்தார்.
மலையாள திரையுலகில் நிலவி வரும் பாலியல் புகார்கள் குறித்து நீதிபதி ஹேமா குழு விசாரணை நடத்தி மாநில முதலமைச்சர் பினராயி விஜயனிடம் அறிக்கையை அளித்தது.
அந்த அறிக்கையில் பல்வேறு நடிகர்கள், இயக்குநர்கள் மீது புகார்கள் அளிக்கப்பட்டுள்ளதால் சிறப்பு விசாரணை குழு விசாரிக்கவும் பரிந்துரைக்கப்பட்டது.
இந்த குழு செவ்வாய்க்கிழமை விசாரணையை தொடங்கியுள்ளது. புகார்கள் குறித்து விசாரணை தொடங்கியுள்ள நிலையில் 2 நடிகைகள், பிரபல மலையாள நடிகர்களின் பெயர்களை குறிப்பிட்டு மனு அளித்தனர்.
இது பற்றி பேசிய நடிகை சந்தியா, நடிகர் முகேஷ் பாலியல் ரீதியில் தனக்கு தெரிந்த நடிகையிடமும், நடிகையின் தாயிடமும் பாலியல் ரீதியில் அத்துமீறலில் ஈடுபட்டதாகவும் கூறியுள்ளார். இந்த புகார் தற்போது மலையாள சினிமா வட்டாரத்தில் பெரும் பரபரப்பை ஏற்படுத்தியுள்ளது.
தொடர்புடைய செய்திகள்:
