அஜித் இப்போது விடாமுயற்சி படத்தில் நடித்துவருகிறார். லைகா நிறுவனம் படத்தை தயாரிக்க அனிருத் இசையமைக்கிறார். மகிழ் திருமேனி படத்தை இயக்குகிறார்.
இந்தச் சூழலில் படத்தின் ஃபர்ஸ்ட் லுக் குறித்த புதிய தகவல் ஒன்று வெளியாகி இணையத்தில் ட்ரெண்டாகியுள்ளது.
இந்தப் படத்தில் அஜித்துடன் திரிஷா, அர்ஜுன், ஆரவ், ரெஜினா உள்ளிட்டோர் நடிக்கின்றனர். ஒளிப்பதிவாளராக ஓம் பிரகாஷ் பணியாற்றுகிறார். ஆக்ஷன் படமாக உருவாகும் இப்படத்தை விரைவில் முடித்து இந்த வருட கோடை விடுமுறைக்கோ அல்லது தீபாவளிக்கோ ரிலீஸ் செய்ய மகிழ் திருமேனி திட்டமிட்டிருப்பதாக தெரிகிறது. அதற்காக மும்முரமாக உழைத்து வருகிறார்.
இந்நிலையில் விடாமுயற்சி படம் பற்றிய புதிய தகவல்கள் வெளியாகியிருக்கின்றன. அதன்படி படத்தில் மொத்தம் ஐந்து பாடல்கள் இருப்பதாக கூறப்படுகிறது. அதில் ஒரு டூயட் பாடல் இருப்பதாகவும் கூறப்படுகிறது.
மேலும் விடாமுயற்சி படத்தின் ஃபர்ஸ்ட் லுக் போஸ்டருக்கான ஃபோட்டோஷூட்டும் சமீபத்தில்தான் முடிந்தது என்றும்; விரைவில் படத்தின் ஃபர்ஸ்ட் லுக்கை எதிர்பார்க்கலாம் என்றும் ஒரு தகவல் ஓட ஆரம்பித்திருக்கிறது.
