பிரான்ஸ் தலைநகரை சுற்றி பெருமளவிலான பாதுகாப்பு படையினர் குவிக்கப்பட்டுள்ளதாக சர்வதேச ஊடகங்கள் செய்தி வெளியிட்டுள்ளன.
லூவ்ரே அருங்காட்சியகத்தில் உள்ள “மோனாலிசா” ஓவியத்தைப் பாதுகாக்கும் கண்ணாடி மீது காலநிலை ஆர்வலர்கள் சூப் வீசிய சில மணிநேரங்களுக்குப் பிறகு, விவசாயிகள் தலைநகரை நோக்கிச் செல்வதாக அச்சுறுத்தியமையால் மேற்படி நடவடிக்கை எடுக்கப்பட்டதாக தகவல் வெளியாகியுள்ளது.
பிரெஞ்சு விவசாயிகள் தங்கள் விளைபொருட்களுக்கு சிறந்த ஊதியம், குறைந்த சிவப்பு நாடா மற்றும் மலிவான இறக்குமதியிலிருந்து பாதுகாப்பு போன்ற கோரிக்கைகளுக்கு பதிலளிக்குமாறு அரசாங்கத்திற்கு அழுத்தம் கொடுத்து போராடி வருகின்றனர்.
அவசரக் கூட்டத்திற்குப் பிறகு பேசிய உள்துறை அமைச்சர் ஜெரால்ட் டார்மானின், 15,000 போலீஸ் அதிகாரிகள் பெரும்பாலும் பாரிஸ் பிராந்தியத்தில் நிறுத்தப்பட்டுள்ளனர் என்றார்.
தலைநகர் மற்றும் அதைச் சுற்றியுள்ள பகுதிகள் உள்பட விமான நிலையம் உள்ளிட்ட முக்கிய இடங்களில் போலிஸ் அதிகாரிகள் கடமையில் ஈடுபடுத்த உள்துறை அமைச்சர் டார்மனின் உத்தரவிட்டுள்ளதாக தெரிவித்துள்ளார்.
தொடர்புடைய செய்திகள்:
