டென்மார்க் தற்போது பல்வேறு துறைகளில் தொழிலாளர் பற்றாக்குறையை எதிர்கொள்கிறது, மொத்தம் 110 பணியிடங்களை நிரப்ப வெளிநாட்டு பணியாளர்கள் தேவை என்று அதிகாரிகள் கூறுகின்றனர்.
நாட்டின் பொருளாதாரத்தின் பல்வேறு துறைகளில் உள்ள மனிதவள பற்றாக்குறையை நிவர்த்தி செய்வதற்காக டென்மார்க் அரசாங்கம், தொழில்முறை திறன்மிக்க தொழிலாளர்களின் புதிய பட்டியலுக்கு விசா வழங்குவதாக சமீபத்தில் அறிவித்துள்ளது.
கொத்தனார்கள், ஆசிரியர்கள் மற்றும் பிற தொழில் வல்லுநர்கள் போன்ற திறமையான தொழிலாளர்கள் கிடைக்காததால் நாட்டில் தொழிலாளர் பற்றாக்குறை நீடிக்கிறது.
டென்மார்க்கில் வேலை செய்ய விரும்பும் ஒவ்வொருவரும் சட்டப்பூர்வமாக நாட்டில் வேலை செய்வதற்கு முன் வேலை விசாவைப் பெறுவது அவசியம்.
ஐரோப்பிய ஒன்றியம், ஐரோப்பிய பொருளாதாரப் பகுதி (EEA) மற்றும் சுவிட்சர்லாந்தின் குடிமக்கள் மட்டுமே இதிலிருந்து விலக்கு அளிக்கப்பட்டுள்ளது.
ஏனைய நாட்டவர்கள் ஊதியம் இல்லாமல் தன்னார்வப் பணிக்கு விண்ணப்பித்தாலும் அல்லது பணியாளர்களின் தேவை அதிகமாக உள்ள வேலையைத் தேடினாலும், பணி விசாவைப் பெற வேண்டும்.
எவ்வாறாயினும், டென்மார்க்கில் பணிபுரிய விரும்பும் ஐரோப்பிய ஒன்றியத்தின் குடிமக்கள் விசா தேவையில்லை என்றாலும், டென்மார்க் சர்வதேச ஆட்சேர்ப்பு மற்றும் ஒருங்கிணைப்பு நிறுவனத்தில் பதிவு செய்ய வேண்டும்.
கடவுசீட்டு அல்லது தேசிய அடையாள அட்டை, கடவுசீட்டு அளவு புகைப்படம், பூர்த்தி செய்யப்பட்ட விண்ணப்பம் மற்றும் ஒரு தொழிலாளியாக வசிப்பதற்கான அடிப்படை ஆவணங்கள் (வேலை ஒப்பந்தம் போன்றவை) ஆவணங்களைச் சமர்ப்பிப்பதன் மூலம் டென்மார்க் சர்வதேச ஆட்சேர்ப்பு மற்றும் ஒருங்கிணைப்பு நிறுவன கிளைகளில் ஒன்றில் இந்த பதிவு நேரில் செய்யப்படுகிறது.
