உக்ரைனுக்கு எதிரான போரில் ரஷ்யா நிச்சயம் வெற்றி பெறும் என்றும், இது உக்ரைன் மக்களுக்கு எதிரான போர் அல்ல என்றும், மேற்கத்திய நிகழ்ச்சி நிரல்களுக்கும் உக்ரைனின் பொம்மை ஜனாதிபதிக்கும் எதிரான போர் மட்டுமே என்றும் இலங்கைக்கான ரஷ்ய தூதுவர் லெவன் ட்ஜகாரியன் தெரிவித்துள்ளார்.
உக்ரேனில் ரஷ்ய விசேட செயற்பாடுகள் தொடர்பில் கொழும்பில் உள்ள ரஷ்ய கலாசார நிலையத்தில் நடைபெற்ற ஊடகவியலாளர் சந்திப்பிலேயே தூதுவர் மேற்கண்டவாறு தெரிவித்தார்.
மேலும் கருத்து தெரிவித்த ரஷ்ய தூதுவர், கடந்த ஐரோப்பிய குளிர்காலம் ஒப்பீட்டளவில் சூடாக இருந்தது, ஆனால் ரஷ்யாவிற்கு எதிரான போரின் உண்மையான முடிவுகள் வரும் குளிர்காலத்தில் தெரியும்.
ரஷ்யா மீது விதிக்கப்பட்ட பொருளாதாரத் தடைகளால் தாம் சிரமத்திற்கு உள்ளாகியுள்ளதாகவும், ஆனால் அது ரஷ்யாவின் பயணத்திற்கு இடையூறாக இல்லை என்பதை ஒப்புக்கொள்வதாகவும் ரஷ்ய தூதுவர் இங்கு தெரிவித்தார்.
அமைதியான தீர்வுக்கு தான் தயாராக இருப்பதாகவும் ஆனால் அதற்காக தனது நிபந்தனைகளை மாற்றிக்கொள்ளப் போவதில்லை என்றும் தூதுவர் இங்கு தெரிவித்தார்.
