பொல்கஹவெல – குருநாகல் வீதியில் போதைப்பொருளைக் கடத்திச் சென்றதாகக் கூறப்படும் கார் மீது பொலிஸார் துப்பாக்கிச் சூடு நடத்தியதால் அப்பகுதியில் பெரும் பரபரப்பு ஏற்பட்டது.
இன்று (10) காலை 11.00 மணியளவில் இச்சம்பவம் இடம்பெற்றுள்ளதாகத் தெரிவிக்கப்பட்டுள்ளது. குறித்த காரை நிறுத்துமாறு பொலிஸார் உத்தரவிட்டபோதும் அக்காரானது நிறுத்தாமல் சென்றுள்ளது.
இதனையடுத்து பொலிஸார் அக்கார் மீது துப்பாக்கிப் பிரயோகம் மேற்கொள்ளவே அக்காரை விட்டு மூவர் தப்பிச்செல்ல முயன்றுள்ளனர்.
இதனையடுத்து குறித்த மூவரையும் கைது செய்த பொலிஸார் இது குறித்த மேலதிக விசாரணைகளை முன்னெடுத்து வருகின்றனர்.
